விஜய் 63 : ஃப்ர்ஸ்ட் லுக் வெளியீடு எப்போது..? - படக்குழு அறிவிப்பு!

நடிகர் விஜய் மற்றும் இயக்குநர் அட்லீ மூன்றாவது முறையாக கூட்டணி அமைத்துள்ளனர். ‘தெறி’, ‘மெர்சல்’ படங்களின் வெற்றிக்குப் பிறகு விஜய்யின் 63-வது படத்தை இயக்கி வருகிறார் அட்லி. இந்தப் படத்துக்கான டைட்டில் இதுவரை வெளியிடப்படவில்லை.

இப்படத்தில், விஜய்க்கு ஜோடியாக நயன்தாரா நடித்துள்ளார். மேலும், விவேக், கதிர், இந்துஜா, யோகி பாபு, டேனியல் பாலாஜி, ஆனந்த்ராஜ் என நட்சத்திர பட்டாளமே நடித்துள்ளது.

பெண்கள் கால்பந்து விளையாட்டை மையப்படுத்தி உருவாக்கப்பட்டுள்ளதால் விஜய் கால்பந்தாட்ட பயிற்சியாளராக நடித்துள்ளார். மேலும், இந்தப் படம் 2019 தீபாவளி அன்று வெளியாகும் என அறிவிக்கப்பட்டுள்ளது.

இந்த நிலையில், ஜூன் 22-ம் தேதி நடிகர் விஜய்யின் பிறந்தநாளையொட்டி, அவரது 63-வது படத்தின் ஃபர்ஸ்ட் லுக் வெளியிடப்படும் என தயாரிப்பாளர் அர்ச்சனா கல்பாத்தி ட்விட்டரில் அறிவித்துள்ளார்.

விஜய்யின் ரசிகர்கள் மத்தியில் பல்வேறு எதிர்பார்ப்புகள் எழுந்திருக்கும் நிலையில் இந்த அறிவிப்பின் மூலம் சமூக வலைதளங்களில் மகிழ்ச்சியை வெளிப்படுத்தி வருகின்றனர்.

மேலும், விஜய் 63 படத்தில் பாலிவுட் நடிகர் ஷாருக்கான் முக்கிய கதாபாத்திரத்தில் நடிக்க இருப்பதாகவும் தகவல் வெளியாகியுள்ளது குறிப்பிடத்தக்கது.