“திருநெல்வேலியைக் கொண்டாடுவோம்” - கலைஞர் செய்திகள் தொலைக்காட்சியின் மாபெரும் விருது விழா!

நமது கலைஞர் செய்திகள் தொலைக்காட்சி சார்பில் “எங்கள் ஊர்; எங்கள் பெருமை’’ என்ற விருது வழங்கும் பிரமாண்ட நிகழ்ச்சி, தொழில் நகரான திருப்பூரை தொடர்ந்து, பன்முக நகரான திருநெல்வேலியில் நடைபெற உள்ளது.

திருநெல்வேலியில் அமைந்திருக்கும் பிரான்சிஸ் சேவியர் பொறியியல் கல்லூரியில், இன்று மாலை 4 மணிக்கு இந்நிகழ்ச்சி தொடங்குகிறது.

இந்த நிகழ்வில் எழுத்தாளர் நாறும்பூ நாதன், எழுத்தாளர் சுகா, புத்தனேரி செல்லப்பா, பார்வதி முத்தமிழ் ஆகியோர் பங்கேற்று திருநெல்வேலியின் பெருமைகளைப் பகிர உள்ளனர்.

மேலும், திருநெல்வேலிக்கு பல்வேறு வகையில் புகழ் தேடித்தருவோரை கவுரவிக்கும் வகையில், மானுடவியலாளர் தொ.பரமசிவன், மருத்துவர் கு.சிவராமன், வரலாற்று ஆய்வாளர் செ.திவான், தடகள வீராங்கனை ராமலெட்சுமி, ஹாக்கி வீரர் திராஸ், நடிகர் விதார்த், இருட்டுக் கடை அல்வா, ஆரெம்கேவி நிறுவனம், வைரமாளிகை உணவகம் உள்ளிட்டோருக்கு விருதுகள் வழங்கப்படுகின்றன.

திருநெல்வேலியில் நடைபெறும் “எங்கள் ஊர்; எங்கள் பெருமை” - கலைஞர் செய்திகள் தொலைக்காட்சியின் மாபெரும் விருது விழா நிகழ்ச்சியில் கல்லூரி-மாணவ மாணவிகளின் கண்கவர் கலை நிகழ்ச்சிகளும் நடைபெறுகின்றன. அனைவருக்கும் அனுமதி இலவசம்.

திருநெல்வேலி மக்களே வாருங்கள், நம்ம திருநெல்வேலியைக் கொண்டாடுவோம்!