“வன்முறையைத் தூண்டும் விதமாக ராமதாஸ் அறிக்கை வெளியிட்டது தவறு” - மு.க.ஸ்டாலின் அறிக்கை!

இந்திய கம்யூனிஸ்ட் கட்சியின் மாநில செயலாளர் இரா.முத்தரசன் மற்றும் பேராயர் எஸ்றா சற்குணம் ஆகியோருக்கு எதிராக வன்முறையைத் தூண்டும் வகையில் பா.ம.க நிறுவனர் ராமதாஸ் அறிக்கை வெளியிட்டது வருத்தமானது - கண்டனத்துக்குரியது" என தி.மு.க தலைவர் மு.க.ஸ்டாலின் அறிக்கை வெளியிட்டுள்ளார்.

தி.மு.க தலைவா் மு.க.ஸ்டாலின் இன்று வெளியிட்டுள்ள அறிக்கையில், “பொன்பரப்பி வன்முறையைக் கண்டித்து கடந்த 24ம் தேதி சென்னை வள்ளுவா் கோட்டத்தில் நடைபெற்ற கண்டன ஆா்ப்பாட்டத்தில் பங்கேற்று உரையாற்றிய இந்திய கம்யூனிஸ்டு கட்சியின் மாநிலச் செயலாளா் முத்தரசன், பேராயா் எஸ்ரா சற்குணம் ஆகியோருக்கு எதிராக வன்முறையைத் தூண்டும் விதத்தில் பா.ம.க நிறுவனா் ராமதாஸ், பேசாத ஒன்றை பேசியதாக இட்டுக்கட்டி ஓா் அறிக்கையை வெளியிட்டு பதற்றச் சூழ்நிலையை உருவாக்கியிருப்பதற்கு வருத்தத்தையும் கண்டனத்தையும் தொிவித்துக்கொள்கிறேன்.

அடக்கப்பட்ட, ஒடுக்கப்பட்ட அனைத்து சமுதாய மக்களுக்காகவும் போராடி வரும் கட்சி இந்திய கம்யூனிஸ்ட் கட்சி. சமூக நீதிப் போராளி பேராயா் தனது வாழ்நாள் முழுவதும் மக்களின் சமூக, கல்வி முன்னேற்றத்திற்காக பாடுபட்டு வருபவா். சமூக நல்லிணக்கத்திற்காக உழைக்கும் இவா்கள் மீது கூட, ராமதாஸுக்கு நம்பிக்கை இல்லாமல் போனது மிகுந்த வேதனை அளிக்கிறது.

யாா் மீது தான் அவருக்கு நம்பிக்கை என்ற கேள்வியும் எழுகிறது. தம்மை அரசியலில் இன்னமும் நிலை நிறுத்திக்கொள்ள ஆக்கப்பூா்வமான வழியை ஏன் தோ்வு செய்கிறாா் என்று அவா் மீது அன்பும், அக்கறையும் உள்ள பலரும் ஆச்சரியப்படுகிறாா்கள்.

தோ்தல் வெற்றி தோல்விகள் எல்லோருக்கும் பொதுவானவை என்பதை ராமதாஸ் நன்கறிவாா். ஆகவே ராமதாஸ் மீண்டும் இது போன்ற பதற்றச் கூழ்நிலைகள் உருவாகிடக் கிஞ்சிற்றும் இடம் கொடுக்காமல், தமிழகத்தில் அனைத்து சமூகங்களும் நிம்மதியாகவும், அமைதியாகவும் நட்புறவோடும் வாழ்வதற்கு எற்ற சுமூகமான சூழ்நிலைகளை மட்டும் உருவாக்கி பிற்படுத்தப்பட்ட, மிகவும் பிற்படுத்தப்பட்ட, தாழ்த்தப்பட்ட மக்கள் கல்வியிலும், பொருளாதாரத்திலும் மேலும் மேலும் முன்னேறுவதற்கு வழி ஏற்படுத்த வேண்டும் என்று கேட்டுக் கொள்கிறேன்” என்று தனது அறிக்கையில் குறிப்பிட்டுள்ளாா்.