#LIVE UPDATES : பேராசிரியர் உடல் தகனம் - கலங்கிய தி.மு.க தலைவர் உள்ளிட்ட கழக உடன்பிறப்புகள்!
மறைந்த தி.மு.க பொதுச் செயலாளர் இனமானப் பேராசிரியர் உடல் தகனம் செய்யப்பட்டது. பல்லாயிரக்கணக்கானோர் இறுதி அஞ்சலி செலுத்தினர்.
பேராசிரியரின் இறுதி ஊர்வலத்தில் மு.க.ஸ்டாலின் பங்கேற்பு!
தி.மு.க பொதுச்செயலாளர் பேராசிரியரின் இறுதி ஊர்வலம் நடைபெற்றுவருகிறது. இறுதி ஊர்வலத்தில் தி.மு.க தலைவர் மு.க.ஸ்டாலின் உள்ளிட்ட முக்கிய நிர்வாகிகள் பலர் பங்கேற்றுள்ளனர்.
பேராசிரியரின் இறுதிப் பயணம்!
தி.மு.க பொதுச்செயலாளர் பேராசிரியரின் இறுதிப் பயணம் தொடங்கியது. பல்லாயிரக்கணக்கானோர் திரண்டு மரியாதை.
பேராசிரியர் மறைவுக்கு துணைக் குடியரசுத் தலைவர் வெங்கையா நாயுடு இரங்கல்!
“திராவிட இயக்கத்தின் முதுபெரும் தலைவரும் தமிழகத்தின் முன்னாள் அமைச்சரும் அரசியல் வித்தகரும் தி.மு.க பொதுச்செயலாளருமான க.அன்பழகன் மறைவுச் செய்தி அறிந்து மிகவும் துயரமடைந்தேன்.
பேராசிரியர் என்று தொண்டர்களால் அன்புடன் அழைக்கப்பட்ட அவர் மிகச்சிறந்த பேச்சாளராகவும் அறிஞராகவும் திகழ்ந்தார். அவரது அறிவாற்றல், தாம் கொண்ட கொள்கையின் மீதான தீராத பற்று, மக்கள் நலனுக்கென அவரது உழைத்த அவரது உறுதி போன்ற குணங்கள் நமக்கு ஊக்கமளிப்பதாக அமைந்துள்ளன.
அவரை இழந்து வாடும் அவரது குடும்பத்தினருக்கும் தொண்டர்களுக்கும் என் ஆழ்ந்த இரங்கல்களை தெரிவித்துக்கொள்கிறேன். அவரது ஆன்மா சாந்தி அடையட்டும்.”
- துணை குடியரசு தலைவர் வெங்கையா நாயுடு
தே.மு.தி.க தலைவர் விஜயகாந்த் இரங்கல்!
பன்முகத்தன்மை கொண்ட பேராசிரியர் அன்பழகன் மறைவு செய்தி கேட்டு மிகவும் வேதனை அடைந்தேன். பேராசிரியர் மறைவுக்கு தே.மு.தி.க தலைவர் விஜயகாந்த் இரங்கல்!
பேராசிரியர் உடலுக்கு காங்கிரஸ் தலைவர்கள் அஞ்சலி!
தமிழக காங்கிரஸ் கமிட்டி தலைவர் கே.எஸ்.அழகிரி, முன்னாள் தலைவர்கள் கிருஷ்ணசாமி, ஈ.வி.கே.எஸ் இளங்கோவன், தங்கபாலு, நாடாளுமன்ற உறுப்பினர் வசந்தகுமார் உள்ளிட்டோர் பேராசிரியர் உடலுக்கு மரியாதை செலுத்தினர்.
பேராசிரியர் உடலுக்கு தொல்.திருமாவளவன் அஞ்சலி !
விடுதலை சிறுத்தை கட்சியின் தலைவர் தொல்.திருமாவளவன் மறைந்த பேராசிரியர் உடலுக்கு மரியாதை செலுத்தினார்.
சி.பி.ஐ(எம்) தலைவர்கள் அஞ்சலி!
மார்க்சிஸ்ட் கம்யூனிஸ்ட் கட்சியின் மாநில செயலாளர் கே.பாலகிருஷ்ணன், அரசியல் தலைமைக் குழு உறுப்பினர் ஜி.ராகிருஷ்ணன் ஆகியோர் மறைந்த பேராசிரியர் உடலுக்கு மரியாதை செலுத்தினார்.
மதிப்பும், மரியாதையும் சம்பாதித்தவர் பேராசிரியர்! - நடிகர் ரஜினிகாந்த்
பேராசிரியர் தன் வாழ்வில் சம்பாதித்தது மதிப்பும், மரியாதையும்தான். அவரை இழந்து வாடும் அவருடைய குடும்பத்தினருக்கு என்னுடைய ஆழ்ந்த இரங்கலை தெரிவித்து கொள்கிறேன். - நடிகர் ரஜினிகாந்த் பேட்டி
வைகோ அஞ்சலி!
ம.தி.மு.க பொதுச்செயலாளர் வைகோ மறைந்த பேராசிரியர் உடலுக்கு மரியாதை செலுத்தினர்.
தி.மு.க நாடாளுமன்ற உறுப்பினர் தமிழச்சி தங்கபாண்டியன் பேராசிரியர் உடலுக்கு மரியாதை செலுத்தினார்.
"உங்கள் அறிவொளியில் எங்கள் பயணம் தொடரும் பேராசிரியர் பெருந்தகையே"- தி.மு.க தலைவர் மு.க.ஸ்டாலின் மடல்!
"வாழ்நாள் முழுவதும் சுயமரியாதை கொள்கைகளை பிரச்சாரம் செய்தவர் பேராசிரியர்" - கி.வீரமணி புகழாரம்
”முப்பாலூட்டிய பேராசிரியப் பெரியப்பா...!” - தி.மு.க தலைவர் மு.க.ஸ்டாலின் மடல்!
தி.மு.க பொதுச் செயலாளர் பேராசிரியர் உடலுக்கு அரசியல் கட்சி தலைவர்கள், பொதுமக்கள் அஞ்சலி செலுத்தி வருகின்றனர்.
தி.மு.க பொதுச் செயலாளர் பேராசிரியர் உடலுக்கு திராவிடர் கழகத் தலைவர் ஆசிரியர் கி.வீரமணி அஞ்சலி செலுத்தினார்.
சென்னை கீழ்பாக்கத்தில் உள்ள பேராசிரியரின் இல்லத்திற்கு அவரது உடல் கொண்டு வரப்பட்டது!
பேராசிரியர் உடலுக்கு தி.மு.க தலைவர் அஞ்சலி!
தி.மு.க பொதுச் செயலாளர் பேராசிரியர் உடலுக்கு தி.மு.க தலைவர் மு.க.ஸ்டாலின் அஞ்சலி!
தி.மு.க கொடிகள் ஏழு நாட்கள் அரைக்கம்பத்தில் பறக்கும்!
தி.மு.க நிகழ்ச்சிகள் 7 நாட்களுக்கு ஒத்தி வைக்கப்பட்டு, தி.மு.க கொடி 7 நாட்களுக்கு அரை கம்பத்தில் பறக்கும் - தி.மு.க தலைவர் மு.க.ஸ்டாலின் அறிவிப்பு.
முதுமை மற்றும் உடல் நலிவு காரணமாக சென்னை அப்பல்லோ மருத்துவமனையில் அனுமதிக்கப்பட்டிருந்த தி.மு.க பொதுச்செயலாளர் பேராசிரியர் க. அன்பழகன் இன்று அதிகாலை 1 மணியளவில் மரணமடைந்தார். அவருக்கு வயது 98 ஆகும்.
Trending
ரேஷன் கடைகளில் துவரம் பருப்பு விவகாரம் : அவதூறு வெளியிட்ட பாமக ராமதாஸுக்கு அமைச்சர் சக்கரபாணி பதிலடி!
BJP அஜெண்டா.. “அதற்கு நாம் இடம் கொடுத்துவிடக் கூடாது” - திமுக MP-க்கள் கூட்டத்தில் முதலமைச்சர் கறார் ?
நாடாளுமன்ற குளிர்கால கூட்டத்தொடர் : திமுக எம்.பி-க்கள் கூட்டத்தில் நிறைவேற்றப்பட்ட தீர்மானங்கள் என்ன?
அன்று கிருஷ்ணகிரி... இன்று கோவை... கூண்டோடு கலைக்கப்பட்ட கோவை நாதக : சிக்கலில் சீமான் - காரணம் என்ன?
Latest Stories
ரேஷன் கடைகளில் துவரம் பருப்பு விவகாரம் : அவதூறு வெளியிட்ட பாமக ராமதாஸுக்கு அமைச்சர் சக்கரபாணி பதிலடி!
BJP அஜெண்டா.. “அதற்கு நாம் இடம் கொடுத்துவிடக் கூடாது” - திமுக MP-க்கள் கூட்டத்தில் முதலமைச்சர் கறார் ?
நாடாளுமன்ற குளிர்கால கூட்டத்தொடர் : திமுக எம்.பி-க்கள் கூட்டத்தில் நிறைவேற்றப்பட்ட தீர்மானங்கள் என்ன?