சன் பிக்சர்ஸுடன் அடுத்த படத்தில் இணைந்த நடிகர் தனுஷ் : இயக்குநர் யார்?

தனுஷ் நடிப்பில் உருவாகி உள்ள பட்டாஸ் திரைப்படம் அடுத்த ஆண்டு ஜனவரி மாதம் 16ம் தேதி வெளியாக உள்ளது. இது தவிர கார்த்திக் சுப்புராஜ் இயக்கத்தில் தயாராகி வரும் D40 படத்திலும் நடித்து வருகிறார். அதைத்தொடர்ந்து மாரி செல்வராஜ், ராம்குமார் உள்ளிட்டோர் படங்களில் நடிக்கவுள்ளார் தனுஷ்.

இதனை தொடர்ந்து இவர் நடிக்கவிருக்கும் படம் குறித்த முக்கிய அறிவிப்பு ஒன்று தற்போது வெளியாகியுள்ளது. தனுஷ் நடிக்கும் 44ஆவது படத்தை சன் பிக்சர்ஸ் நிறுவனம் தயாரிக்க உள்ளதாக அதிகாரப்பூர்வ அறிவிப்பு வெளியாகியுள்ளது.

சிறுத்தை சிவா, ரஜினிகாந்த் இணையும், ரஜினிகாந்தின் 168-வது படத்தைத் தயாரிக்கும் சன் பிக்சர்ஸ் நிறுவனம் அடுத்ததாக தனுஷ் படத்தைத் தயாரிக்க உள்ளது.

இந்த படத்தின் இயக்குனர் மற்றும் நடிகர் நடிகைகள் குறித்த அறிவிப்பு விரைவில் வெளியாகும் என்று எதிர்பார்க்கப்படுகிறது. இந்த படத்திற்கு D44 என்று படக்குழுவினர் தற்காலிகமாக பெயரிட்டுள்ளனர்.

இதனிடையே, தனுஷின் 44-வது படத்தை யார் இயக்கபோகிறார் என்கிற கேள்வி ரசிகர்களிடயே எழுந்துள்ளது. தனுஷின் 44-வது படத்தை வெற்றிமாறன் அல்லது முருகதாஸ் இயக்க அதிக வாய்புள்ளதாக கூறப்படுகிறது.