“நெருப்பு பேரோட நீ கொடுத்த ஸ்டாரோட” : வெளியானது தர்பாரின் ‘சும்மா கிழி’ !

ஜனவரி 9ம் தேதி ரஜினியின் தர்பார் படம் ரிலீசாகவுள்ளதால் படத்தின் போஸ்ட் புரொடக்‌ஷன் வேலைகள் படு தீவிரமாக நடைபெற்று வருகிறது.

மேலும், தர்பார் படத்தின் ஆடியோ வெளியீட்டு விழாவும் டிசம்பர் 7ம் தேதி ரிலீசாகவுள்ள நிலையில் இன்று மாலை 5 மணியளவில் ரஜினியின் இன்ட்ரோ பாடலாக உருவாகியுள்ள சும்மா கிழி என்ற பாடல் ரிலீசாகவுள்ளது என அறிவிக்கப்பட்டது. அனிருத் இசையில் உருவாகியுள்ள இந்த பாடலை பிரபல பின்னணி பாடகர் எஸ்.பி. பாலசுப்பிரமணியம் பாடியுள்ளார்.

நேற்று (நவ.,26) மாலை 7 மணியளவில் சும்மா கிழி பாடலின் வரிகளை பாடலாசிரியர் விவேக் வெளியிட்டார்.

அது ரசிகர்களிடையே பெரும் வரவேற்பை பெற்ற நிலையில், பாடல் எந்த அளவில் இருக்கும் என ரசிகர்களிடம் தீவிரமான எதிர்பார்ப்பு நிலவியது. இதனையொட்டி ட்விட்டரில் #DarbarFirstSingleBlastToday என்ற ஹேஷ்டேக்கும் ட்ரெண்டானது.

இந்நிலையில் சரியாக 5 மணியளவில், தர்பாரின் முதல் சிங்கிள் ட்ராக் சும்மா கிழி பாடலை தயாரிப்பு நிறுவனமான லைகா வெளியிட்டுள்ளது.