சிம்புதேவன் இயக்கும் ‘கசட தபற’ ஃபர்ஸ்ட் லுக் வெளியீடு!

சிம்புதேவன் இயக்கத்தில் உருவாகியிருக்கும் ‘கசட தபற’ திரைப்படத்தின் ஃபர்ஸ்ட் லுக் போஸ்டர் அதிகாரப்பூர்வமாக வெளியிடப்பட்டுள்ளது.

இந்தப் படம் 6 முக்கியக் கதாபாத்திரங்களை மையமாக வைத்து 6 பகுதிகளாக உருவாகி இருக்கிறது. ஒவ்வொரு பகுதிக்கும் ஒவ்வொரு குழுவோடு இணைந்து படத்தை இயக்கியிருக்கிறார் சிம்புதேவன்.

அதன்படி, இப்படத்தில் 6 இசையமைப்பாளர்கள், 6 ஒளிப்பதிவாளர்கள், 6 படத்தொகுப்பாளர்கள் பணியாற்றியுள்ளனர். யுவன் ஷங்கர் ராஜா, சந்தோஷ் நாராயணன், ஜிப்ரான், சாம்.சி.எஸ், பிரேம்ஜி, ஷான் ரோல்டன் உள்ளிட்ட 6 பேரும் இப்படத்திற்கு இசையமைத்துள்ளனர்.

சாந்தனு, சந்தீப் கிஷன், ஹரிஷ் கல்யாண், வெங்கட்பிரபு, பிரேம்ஜி, ரெஜினா, ப்ரியா பவானி சங்கர், விஜயலட்சுமி உள்ளிட்ட பலர் நடித்துள்ளனர். பிளாக் டிக்கெட் கம்பெனி சார்பில் இயக்குநர் வெங்கட்பிரபு மற்றும் டிரைடண்ட் ஆர்ட்ஸ் ரவீந்திரன் இணைந்து தயாரித்துள்ளனர்.