Tamilnadu
“I LOVE YOU ஸ்டாலின் Uncle..” இரு கன்னங்களுடன் மகிழ்ச்சியாக 10-வது பிறந்தநாளை கொண்டாடிய சிறுமி டானியா !
திருவள்ளூர் மாவட்டம் ஆவடியை அடுத்துள்ள வீராபுரத்தைச் சேர்ந்தவர் ஸ்டீபன்ராஜ் - செளபாக்கியம் தம்பதியர். இவர்களின் மகள் டானியா என்ற 9 வயது மகள் அரிய வகை முகச்சிதைவு நோயால் பாதிக்கப்பட்டிருந்தார். இதனால் சிறுமியின் பெற்றோர் பல ஆண்டுகளாக பல்வேறு சிகிச்சை அளித்தும் இந்நோய் குணமாகவில்லை. இது மெல்ல மெல்ல சிறுமியின் வலது கன்னம், தாடை, உதடு என ஒரு பக்க முகம் முழுவதும் பரவி சிதைவு ஏற்படத்தொடங்கியது.
இதையடுத்து சிறுமியின் குடும்பம் கோரிக்கை வைத்தனர். இதுகுறித்து முதலமைச்சர் மு.க.ஸ்டாலின் அறிந்தவுடன், உடனடியாக சிறுமி டானியாவிற்கு அறுவை சிகிச்சை மேற்கொள்ள மாவட்ட நிர்வாகத்திற்கு உத்தரவிட்டு, சவிதா மருத்துவக் கல்லூரியில் சிறுமிக்கு முதல்கட்ட முகசீரமைப்பு அறுவை சிகிச்சை மேற்கொள்ளப்பட்டது.
சிறுமிக்கு அறுவை சிகிச்சை மேற்கொண்ட பிறகு மருத்துவமனைக்கும், வீடு திரும்பிய பிறகு வீட்டுக்கு சென்றும் முதலமைச்சர் மு.க.ஸ்டாலின் நலம் விசாரித்தார். தற்போது சிறுமி பூரண குணமாகி பள்ளிக்கு சென்று வருகிறார். தான் தற்போது நலமுடன் இருப்பதற்கு காரணம் முதலமைச்சர் என்று சிறுமி டானியாவும் நன்றி தெரிவித்திருந்தார்.
இந்த நிலையில் சிறுமி டானியா இன்று தனது 10-வது பிறந்தநாளை கொண்டாடுகிறார். சிறுமியின் பிறந்தநாளை அறிந்த மாதவரம் தொகுதி திமுக எம்.எல்.ஏ சுதர்சனம், ஒன்றிய செயலாளர் கோ தயாளன், மாவட்ட கவுன்சிலர் சதிஷ் உள்ளிட்ட கட்சி நிர்வாகிகள் நேரில் சென்று வாழ்த்து தெரிவித்தனர். மேலும் சிறுமி டானியாவுக்கு கேக் வெட்டி கொண்டாடி பரிசுகளை வழங்கினர்.
இதையடுத்து சிறுமி டானியா தற்போது அனைவருக்கும் நன்றி தெரிவித்து வீடியோ ஒன்றை வெளியிட்டுள்ளார். அந்த வீடியோவில் "நான் முகச்சிதைவு நோயால் அதிகம் பாதிக்கப்பட்டேன். ஸ்டாலின் ஐயா உதவியால் சரியாகிவிட்டேன். இந்த கன்னத்தை வைத்து நான் இப்போ பிறந்தநாள் கொண்டாடுகிறேன். எனக்கு ரொம்ப சந்தோசமா இருக்கு. ஐ லவ் யூ ஸ்டாலின் அங்கிள்" என்று பேசியுள்ளார். இது தற்போது இணையத்தில் வைரலாகி வருகிறது.
Also Read
-
உடல் உறுப்பு தானம் : “இந்தியாவிற்கே முன்னோடி தமிழ்நாடு” - அமைச்சர் மா.சுப்பிரமணியன் பெருமிதம்!
-
நடு ரோட்டில் இளம்பெண் வன்கொடுமை... தடுப்பதற்கு பதிலாக வீடியோ எடுத்த கொடூரர்கள்... பாஜக மாநிலத்தில் அவலம்!
-
போதிய சிகிச்சை அளிக்காததால் உயிரிழந்த சிறுவர்கள்... 15 கி.மீ தூக்கி சென்ற பெற்றோர்.. பாஜக ஆட்சியில் ஷாக்!
-
மாற்றுத்திறனாளிகளை அவமதிக்கும் வகையில் பேச்சு... மகாவிஷ்ணு மீது 5 பிரிவுகளில் வழக்கு !
-
#FactCheck : அரசு மருத்துவமனையில் செவிலியர்கள் உடை மாற்றும் அறை - அம்பலமான தினமலரின் அரைகுறை செய்தி!