"தி.மு.க அரசு அதிவேகமாகச் செயல்பட்டதே 100 நாட்களின் அடையாளம்” : The New Indian Express புகழாரம்!

தி.மு.கழக அரசு மு.க.ஸ்டாலின் அவர்கள் தலைமையில் அதிவேகமாக செயல்படுவதே 100 நாட்களின் அடையாளம் என்று ‘தி இந்தியன் எக்ஸ்பிரஸ்’ ஆங்கில நாளேடு (16.8.21) புகழாரம் சூட்டி சிறப்புக் கட்டுரை வெளியிட்டுள்ளது. அது வருமாறு:

எங்கள் குறிக்கோள் டிரில்லியன் டாலர் பொருளாதாரம்!

“தெற்கு ஆசியாவிலேயே தமிழ்நாடு சிறந்த மாநிலங்களில் ஒன்றாகத் திகழவேண்டும் என்று நாங்கள் விரும்புகிறோம்; எங்கள் அரசின் குறிக்கோள் டிரில்லியன் டாலர் (ஒரு லட்சம் கோடி டாலர்) பொருளாதாரம் தான்.”

மு.க.ஸ்டாலின் முதலமைச்சர்

அழிவுகரமான கொரோனா இரண்டாவது அலைகளுக்கு மத்தியில் பொறுப்பேற்ற தி.மு.க அரசு களமிறங்க வேண்டியிருந்தது, அதன்பின்னர், முதல்வர் சில முக்கிய வாக்குறுதிகளை நிறைவேற்றினார்.

உச்சத்தில் இருந்த கொரோனா நோய்த்தொற்று அடங்குவதில் இருந்து, அனைத்து நிலைகளிலும் அரசு இயந்திரங்களை பலமாக செய்வது வரை, புதிய முதலீடுகளை ஈர்ப்பது முதல் வளர்ந்து வரும் பிரச்சினைகளுக்கு விரைவான தீர்வுகளைக் கண்டுபிடிப்பது வரை, தி.மு.க. அரசு அதிவேகமாக செயல்பட்டதே 100 நாட்களின் அடையாளமாகும்.

முதல்வர் மு.க.ஸ்டாலின் தலைமையில், அரசாங்கத்தின் ஒரே குறிக்கோளாக மக்களுக்கு சேவைகளை விரைவாக வழங்கி வருகிறது. சுருக்கமாக, மு.க.ஸ்டாலின் அவர்கள் தனது திறமையை நிரூபித்துள்ளார்.

உலகப் புகழ்பெற்ற வல்லுனர்குழு!

ஆட்சிக்கு வந்த இரண்டு மாதங்களுக்குப் பிறகு, உலகப் புகழ்பெற்ற வல்லுனர்களைக் கொண்ட பொருளாதார ஆலோசனைக் குழுவின் கூட்டத்திற்கு தலைமை தாங்கியபோது, ஸ்டாலின் அவர்கள் தனது லட்சியங்களை மிகத்தெளிவாக வெளிப்படுத்தினார். அத்துடன் மாநில பொருளாதாரத்தை மீண்டும் புதிய (WILL) பாதையில் கொண்டு செல்ல கடினமான முடிவுகளை எடுப்பதற்கான அரசியல் விருப்பம் இருப்பதாகக் குறிப்பிட்டார்.

“தமிழ்நாட்டில் வேலைவாய்ப்புகள் அதிகரிக்க வேண்டும். மக்களின் சமூகநிலை மேம்படும்போது தனிநபர் வருமானம் உயர வேண்டும்; முழுமையான மற்றும் கடுமையான சீர்திருத்தங்கள் மூலம் மட்டுமே இது சாத்தியமாகும், கடுமையான சீர்திருத்தங்களுக்கு தமிழ்நாடு தயாராக உள்ளது என்று நான் கூறுகிறேன்” என்று முதல்வர் மு.க.ஸ்டாலின் கூறினார்.

அவர் தலைமையிலான அரசு மூன்று மாதங்களுக்குள் மாநிலத்தின் நிதிநிலை குறித்த வெள்ளை அறிக்கையை வெளியிட்டது.

முதலீட்டாளர்களுக்கு உகந்த மாநிலம் தமிழகம்!

தெற்காசியா முழுவதிலும் முதலீட்டாளர்களுக்கு உகந்த மாநிலமாக தமிழகத்தை மாற்றுவதாக உறுதிமொழி அளித்த மு.க.ஸ்டாலின் அவர்கள், 2030ஆம் ஆண்டுக்குள் தமிழகத்தை ‘ஒரு டிரில்லியன் டாலர் பொருளாதாரமாக' மாற்ற வேண்டும் என்று கூறினார். தொற்றுநோயால் உலகப் பொருளாதாரம் மந்தமாக இருந்தாலும், ஸ்டாலின் அவர்கள் தலைமையிலான தமிழக அரசு 17,141 கோடி முதலீட்டில் 35 புதிய தொழில்துறை ஒப்பந்தங்களில் கையெழுத்திட்டது.

அண்மையில் சென்னை நகரத்தில் நடைபெற்ற முதலீட்டாளர்கள் சந்திப்பில் ரூ.7,117 கோடி மதிப்பிலான ஐந்து புதிய தொழில்களை அவர் தொடங்கி வைத்தார். ரூ.4,250 கோடி மதிப்பிலான ஒன்பது தொழில்களுக்கு அடிக்கல் நாட்டினார். இந்த முதலீடுகள் 83,000 புதிய வேலைகளை உருவாக்கும். தொழில்துறை வளர்ச்சியை ஆதரிக்க, சுயநிதி திட்டங்களுக்கு மூலதன மானியங்களை மூன்று தவணைகளுக்குப் பதிலாக ஒரே தவணையில் வெளியிட உத்தரவு பிறப்பிக்கப்பட்டுள்ளது.

முழு ஊரடங்கு நடவடிக்கைகளால் மக்கள் எதிர்கொள்ளும் கஷ்டங்களைக் குறைக்க தி.மு.க அரசு பல முயற்சிகளை மேற்கொண்டது. அரிசி ரேஷன் கார்டு வைத்திருப்பவர்களுக்கு 14 வகையான அத்தியாவசியப் பொருட்கள் வழங்கப்பட்டன மற்றும் இரண்டு கோடி அட்டைதாரர்களுக்கு தலா 4,000 ரூபாய் நிவாரண நிதியாக கிடைத்தது.

கோவில் பூசாரிகளுக்கு இலவச அத்தியாவசியப் பொருட்கள் தவிர பணஉதவி மூலம் ரூ.4,000 வழங்கப்பட்டது. ஆவின் பாலின் விலை லிட்டருக்கு ரூ.3 குறைக்கப்பட்டது. அதே நேரத்தில் பெண் பயணிகள் நகர போக்குவரத்து பேருந்துகளில் இலவசமாக பயணிக்க அனுமதிக்கப்பட்டனர்.

கோவிட்டால் பாதிக்கப்பட்டவர்களுக்கு அரசு செலவில் தனியார் மருத்துவமனைகளில் சிகிச்சை அளிக்க அனுமதிக்கப்பட்டுள்ளது. மாநிலம் முழுவதும் உள்ள மாவட்ட சுகாதார மையங்கள் மூலம் மக்கள் கொரோனா தடுப்பூசி பெற ஏற்பாடுகள் செய்யப்பட்டுள்ளன.

உங்கள் தொகுதியில் முதல்வர்!

மு.க.ஸ்டாலின் அவர்கள் கருப்பு பூஞ்சையைக் கட்டுப்படுத்த ரூ.25 கோடி ஒதுக்கீடு செய்தார், மூன்றாவது அலையைத் தடுக்க ரூ.100 கோடி ஒதுக்கப்பட்டது. அனைத்துத் தரப்பிலிருந்தும் பாராட்டுகளைப் பெற்ற ‘உங்கள் தொகுதியில் முதல்வர்' திட்டத்தின் கீழ், பெறப்பட்ட 4,57,645 மனுக்கள் மீது உடனடி நடவடிக்கை எடுக்கப்பட்டுள்ளது.

உரிய கள சரிபார்ப்புக்குப் பிறகு, 2,29,216 குறைகள் நேர்மறையாகத் தீர்க்கப்பட்டுள்ளன. மனுக்களை விரைந்து தீர்ப்பதற்கு மட்டுமல்லாமல், குறைகள் திருப்திகரமாக தீர்க்கப்படுவதை உறுதி செய்வதற்கும் குறிப்பிட்ட கவனம் செலுத்தப்பட்டுள்ளது. தமிழக அரசு நோய்வாய்ப்பட்ட உள்நாட்டுப் பகுதிகளுக்கு நிவாரணம் அளிக்கிறது.

தி.மு.க. அரசு பதவியேற்ற பிறகு மீண்டும் தோன்றிய முக்கியமான பிரச்சினைகளில் ஒன்று மேகதாதுவில் காவிரியின் குறுக்கே அணை கட்டுவதில் கர்நாடகா உறுதியாக இருந்தது. காவிரியின் மீது தமிழகத்திற்கு முழு உரிமை உண்டு என்றும், எந்த சூழ்நிலையிலும் இந்த திட்டத்தை அனுமதிக்க முடியாது என்றும் ஸ்டாலின் வலியுறுத்தியுள்ளார்.

எதிர்க்கட்சிகளின் ஆதரவைப் பெறுவதற்காக முதல்வர் அனைத்துக் கட்சிக் கூட்டத்தைக் கூட்டியது மட்டுமல்லாமல், மேகேதாட்டு அணைத் திட்டத்தை நிறுத்த ஒன்றிய அரசுக்கு ஒரு குழுவை அனுப்பினார். மத்திய ஜல் சக்தி அமைச்சர் கஜேந்திர சிங் ஷெகாவத் தூதுக்குழுவிடம் உறுதியளித்தார், கீழ்ப்பகுதியான தமிழகத்தின் அனுமதியின்றி மேகதாதுவில் கர்நாடகம் அணை கட்ட முடியாது.

அடுத்த 10 ஆண்டுகளில் உணவுப் பாதுகாப்பு மற்றும் ஊட்டச்சத்து பாதுகாப்பை அடைதல்

11.75 லட்சம் ஹெக்டர் உணவு தானியங்கள், தேங்காய், கரும்பு, பருத்தி மற்றும் சூரியகாந்தி ஆகியவற்றின் தரமான விதைகள் மற்றும் நவீன தொழில்நுட்பங்களின் உற்பத்தியில் தேசிய அளவில் தமிழகத்தை முதல் மூன்று இடங்களுக்கு முன்னேற்றுவதற்கான நடவடிக்கைகள்

தமிழ்நாட்டில் விவசாயத்தின் வளர்ச்சியை உறுதிசெய்ய 16 அம்ச பலமுனை உத்தி

‘உங்கள் தொகுதியில் முதல்வர்' திட்டத்தின் கீழ் பெறப்பட்ட 4.5 லட்சம் மனுக்கள் மீது நடவடிக்கை எடுக்கப்பட்டுள்ளது.

கருப்பு பூஞ்சை நோயாளிகளுக்கு சிகிச்சை அளிக்க ஆம்போடெரிசின் பி மருந்து மற்றும் பிற மருந்துகளை கொள்முதல் செய்ய முதலமைச்சரின் பொது நிவாரண நிதியிலிருந்து ரூ. 25 கோடி ஒதுக்கீடு.

அரிசி ரேஷன் கார்டு வைத்திருப்பவர்களுக்கு 14 வகையான அத்தியாவசியப் பொருட்கள் வழங்கப்பட்டன மற்றும் இரண்டு கோடி அட்டைதாரர்களுக்கு 4,000 ரூபாய் நிவாரண நிதியாக கிடைத்தது.

மக்களைத் தேடி மருத்துவம்: ரூ.258 கோடி ஒட்டுமொத்த ஒதுக்கீடு மற்றும் 30 லட்சம் குடும்பங்களைச் சேர்ந்த 1 கோடி மக்களுக்கு காப்பீட்டு இலக்குடன் செயல்படுத்தப்படுகிறது.

இலவச பேருந்துப் பயணம்: அனைத்து பெண்கள், மாற்றுத்திறனாளிகள் மற்றும் வெள்ளை போர்டு பேருந்துகளில் மாற்றுத்திறனாளிகளுக்கு இலவச பயணம். ஏழை பொருளாதார பின்னணியில் இருந்து வருபவர்களுக்கும், வேலைக்காக நீண்டதூரம் பயணம் செய்பவர்களுக்கும், இந்த திட்டம் ஒரு வரப்பிரசாதமாக வந்துள்ளது.

உங்கள் தொகுதியில் முதல்வர்: ‘உங்கள் தொகுதியில் முதல்வர்' துறையை உருவாக்குதல். 4,57,645 மனுக்கள் மீது ஏற்கனவே நடவடிக்கை எடுக்கப்பட்டுள்ளது. மனுக்களை விரைந்து முடிப்பது மற்றும் குறைகளை திருப்திகரமாக தீர்ப்பதில் குறிப்பிட்ட கவனம் செலுத்தப்பட்டது.

பிராமணரல்லாத பூசாரிகள்: அனைத்து சாதி அர்ச்சகத் திட்டத்தை செயல்படுத்துவதன் மூலம் மு.க.ஸ்டாலின் அவர்கள் தனது தந்தையின் கனவை நிறைவேற்றுகிறார். கலைஞர் அவர்களால் தொடங்கப்பட்ட இந்தத்திட்டம் பல ஆண்டுகளாக சட்ட சிக்கலில் சிக்கியிருந்தது. ஆகஸ்ட் 14 அன்று, மு.க.ஸ்டாலின் 24 பிராமணரல்லாத அனைத்து சாதியின பூசாரிகளை நியமித்தார்.

தமிழில் அர்ச்சனை: 47 முக்கிய கோவில்களில் தமிழ் அர்ச்சனை திட்டத்தின் மறுமலர்ச்சி. கோவில்களில் வழிபாடு தமிழில் நடத்தப்பட வேண்டும் என்று அறிஞர்கள் நீண்ட காலமாக கோரிவருகின்றனர். கலைஞர் அவர்களால் தொடங்கப்பட்டாலும், அது அ.தி.மு.க ஆட்சியின் போது விழுந்தது.

பொருளாதாரத்தை புதுப்பிக்க வல்லுநர்கள்: புகழ்பெற்ற நிபுணர்களை உள்ளடக்கிய பொருளாதார ஆலோசனை கவுன்சில், மாநில பொருளாதாரத்தின் மறுமலர்ச்சி குறித்து அரசாங்கத்திற்கு ஆலோசனை வழங்குவது அரசின் முக்கிய நகர்வுகளில் ஒன்றாக கருதப்படுகிறது.

விவசாயத்திற்கு புதிய உத்வேகம்: மாநில சட்டசபை நூற்றாண்டு விழா மற்றும் விவசாயத் துறை பல சவால்களை எதிர்கொள்ளும்போது, விவசாயத்திற்கான தனியாக பட்ஜெட்டை அறிமுகப்படுத்துவது அரசாங்கத்தின் முக்கிய நடவடிக்கைகளில் ஒன்றாகும்.

ரூ.17,000 கோடி மதிப்புள்ள முதலீடுகள்: வெறும் 100 நாட்களுக்குள், முதலீட்டாளர் விழாவில் முதல்வர் உரையாற்றினார், இதில் 35,054 பேருக்கு வேலைவாய்ப்புகளை வழங்கும் ரூ .17,141கோடி மதிப்புள்ள 35 வணிக முதலீடுகளுக்கு புரிந்துணர்வு ஒப்பந்தங்கள் கையெழுத்திடப்பட்டன.

அனைத்து பிற்படுத்தப்பட்டவர்களுக்கும் இடஒதுக்கீடு: அகில இந்திய அளவில் அனைத்து பிற்படுத்தப்பட்ட வகுப்பினருக்கும் மருத்துவ சேர்க்கையில் இடஒதுக்கீடு வழங்க, தொடர்ந்து சட்டப்போராட்டம் மூலம் ஒன்றிய அரசை தி.மு.க வெற்றிகரமாக வற்புறுத்தியுள்ளது.

அரசுப் பள்ளி மாணவர்களுக்கான ஒதுக்கீடு: அரசுப் பள்ளி மாணவர்களுக்கு தொழில்முறை படிப்புகளில் 7.5 சதவீத இட ஒதுக்கீட்டை நீட்டிக்க அரசு முடிவு செய்துள்ளது. வரவிருக்கும் பட்ஜெட் கூட்டத்தொடரில் இதற்கான சட்டம் கொண்டுவரப்படும்.

இவ்வாறு அக்கட்டுரையில் தெரிவிக்கப்பட்டுள்ளது.