Sports
ஆசிய சாம்பியன்ஸ் கோப்பை ஹாக்கி : புள்ளிப்பட்டியலில் முதலிடம்.. அரையிறுதிக்கு முன்னேறி அசத்திய இந்தியா !
விளையாட்டுக்கு புகழ் பெற்ற சென்னையில் பல ஆண்டுகளாக கிரிக்கெட் தவிர பிற முக்கிய சர்வதேச போட்டிகள் நடைபெறாமல் இருந்தது. ஆனால், திமுக அரசு பொறுப்பேற்றதும் உலகமே வியக்கும் வண்ணம் செஸ் ஒலிம்பியாட் தொடர் சென்னையில் நடைபெற்றது.
அதனைத் தொடர்ந்து தமிழ்நாடு அரசின் முயற்சியால் 16 ஆண்டுகளுக்கு பிறகு சென்னையில் ஹாக்கி போட்டிகள் நடைபெறவுள்ளதாக அறிவிக்கப்பட்டது. அதன்படி சர்வதேச ஆசிய சாம்பியன்ஸ் டிராபி 2023 ஹாக்கி போட்டிகள் சென்னை எழும்பூரில் உள்ள ராதாகிருஷ்ணன் ஹாக்கி விளையாட்டு மைதானத்தில் இந்த போட்டிகள் நடைபெறும் என அறிவிக்கப்பட்டது.
இதற்காக பல்வேறு நாடுகளின் வீரர்கள் சென்னை வந்த நிலையில், முதல் போட்டியை விளையாட்டுத்துறை அமைச்சர் உதயநிதி ஸ்டாலின் தொடங்கி வைத்த நிலையில், நேற்று நடைபெற்ற லீக் போட்டியில், இந்தியா, கொரியா அணியை எதிர்கொண்டது.
இதில் தொடக்கம் முதல் சிறப்பான ஆட்டத்தை வெளிப்படுத்திய இந்தியா வீரர்கள் நீலகண்ட சர்மா, கேப்டன் ஹர்மன்பீரித், மந்தீப் சிங் ஆகியோர் அடுத்தடுத்து கோல்கள் அடித்தனர். இதன் மூலம் இந்தியா 3- 2 என்ற கணக்கில் வெற்றி பெற்று அரையிறுதிக்கு முன்னேறியது.
அதோடு மற்றொரு போட்டியில், பாகிஸ்தான் அணி சீனாவை 2- 1 கணக்கில் வீழ்த்தி வெற்றி பெற்றது. தொடக்கம் முதல் விறுவிறுப்பாக சென்ற போட்டியில், 2வது பகுதியில் பாகிஸ்தான் ஒரு கோல் அடிக்க, 3வது பாதியில் இரு அணிகளும் தலா ஒரு கோல் அடித்தன. ஆட்ட நேர முடிவில் பாகிஸ்தான் அணி 2- 1 என்ற கணக்கில் வெற்றி பெற்று அரையிறுதிக்கு முன்னேறியது.
Also Read
-
உடல் உறுப்பு தானம் : “இந்தியாவிற்கே முன்னோடி தமிழ்நாடு” - அமைச்சர் மா.சுப்பிரமணியன் பெருமிதம்!
-
நடு ரோட்டில் இளம்பெண் வன்கொடுமை... தடுப்பதற்கு பதிலாக வீடியோ எடுத்த கொடூரர்கள்... பாஜக மாநிலத்தில் அவலம்!
-
போதிய சிகிச்சை அளிக்காததால் உயிரிழந்த சிறுவர்கள்... 15 கி.மீ தூக்கி சென்ற பெற்றோர்.. பாஜக ஆட்சியில் ஷாக்!
-
மாற்றுத்திறனாளிகளை அவமதிக்கும் வகையில் பேச்சு... மகாவிஷ்ணு மீது 5 பிரிவுகளில் வழக்கு !
-
#FactCheck : அரசு மருத்துவமனையில் செவிலியர்கள் உடை மாற்றும் அறை - அம்பலமான தினமலரின் அரைகுறை செய்தி!