Election 2024
நாடாளுமன்ற தேர்தல் - 2024 : 43 தொகுதிகளுக்கு வேட்பாளர் பட்டியலை வெளியிட்டது காங்கிரஸ்!
இந்தியாவில் விரைவில் நாடாளுமன்றத் தேர்தல் நடைபெற இருக்கிறது. கடந்த 10 ஆண்டுகளாகப் பாசிச ஆட்சியை நடத்தி வரும் பா.ஜ.கவை வீழ்த்து எதிர்க்கட்சிகள் ஒன்றிணைந்து 'இந்தியா' கூட்டணியை உருவாக்கித் தேர்தல் களத்தில் செயல்பட்டு வருகிறது.
இந்தியா கூட்டணி கட்சிகளுடன் தொகுதி பங்கீடு தொடர்பான பேச்சுவார்த்தைகள் வேக வேகமாக நடைபெற்று வருகிறது. இந்தியா கூட்டணியில் இருக்கும் காங்கிரஸ் கட்சி ஏற்கனவே 39 தொகுதிகளுக்கான முதற்கட்ட வேட்பாளர் பட்டியலை வெளியிட்டு இருந்தது.
இந்நிலையில் 43 தொகுதிகளுக்கு 2 ஆம் கட்ட வேட்பாளர் பட்டியலை இன்று டெல்லியில் அக்கட்சியின் பொதுச் செயலாளர் கே.சி.வேணுகோபால் வெளியிட்டார். அசாம், ராஜஸ்தான், மத்திய பிரதேசம், குஜராத் மாநிலங்களில் போட்டியிடும் வேட்பாளர் பட்டியல் வெளியிடப்பட்டுள்ளது.
ராஜஸ்தான் மாநிலம் ஜல்லூர் தொகுதியில் வைபர் கெலாட், மத்திய பிரதேச மாநிலம் சிந்த்வாரா தொகுதியில் நகுல் நாத் போட்டியிடுகிறார்கள். இந்தியா கூட்டணியில் தொகுதி உடன்பாடுகள் இறுதி செய்யப்பட்டு வேட்பாளர்கள் அறிவிக்கப்பட்டு வருகிறது.
தமிழ்நாட்டிலும் தி.மு.க தலைமையிலான இந்தியா கூட்டணியில் கூட்டணி கட்சிகளுக்கு தொகுதிகள் ஒதுக்கீடு செய்யப்பட்டுள்ளது. தமிழ்நாட்டில் காங்கிரஸ் கட்சிக்கு 10 தொகுதிகள் ஒதுக்கீடு செய்யப்பட்டுள்ளது.
Also Read
-
உடல் உறுப்பு தானம் : “இந்தியாவிற்கே முன்னோடி தமிழ்நாடு” - அமைச்சர் மா.சுப்பிரமணியன் பெருமிதம்!
-
நடு ரோட்டில் இளம்பெண் வன்கொடுமை... தடுப்பதற்கு பதிலாக வீடியோ எடுத்த கொடூரர்கள்... பாஜக மாநிலத்தில் அவலம்!
-
போதிய சிகிச்சை அளிக்காததால் உயிரிழந்த சிறுவர்கள்... 15 கி.மீ தூக்கி சென்ற பெற்றோர்.. பாஜக ஆட்சியில் ஷாக்!
-
மாற்றுத்திறனாளிகளை அவமதிக்கும் வகையில் பேச்சு... மகாவிஷ்ணு மீது 5 பிரிவுகளில் வழக்கு !
-
#FactCheck : அரசு மருத்துவமனையில் செவிலியர்கள் உடை மாற்றும் அறை - அம்பலமான தினமலரின் அரைகுறை செய்தி!