மக்களவைத் தேர்தலில் போட்டியிடும் தி.மு.க. வேட்பாளர்கள் அறிவிப்பு

திமுக சார்பில் மக்களவைத் தேர்தல் மற்றும் சட்டப்பேரவை இடைத்தேர்தலில் போட்டியிடும் வேட்பாளர்களின் பட்டியலை தலைவர் மு.க.ஸ்டாலின் வெளியிட்டிருக்கிறார்.

வரும் ஏப்ரல் 18ஆம் தேதி மக்களவை தேர்தல் நடக்க இருக்கிறது. இந்த தேர்தலில் போட்டியிடும் திமுக தலைமையிலான மதச்சார்பற்ற முற்போக்குக் கூட்டணியில் பல கட்சிகள் இடம்பெற்றுள்ளன.

காங்கிரஸ் கட்சிக்கு 10 தொகுதிகள், விடுதலை சிறுத்தைகள், இந்திய கம்யூனிஸ்ட், மார்க்சிஸ்ட் கம்யூனிஸ்ட் கட்சிகளுக்கு தலா 2 தொகுதிகள், மதிமுக, இந்திய யூனியன் முஸ்லீம் லீக், இந்திய ஜனநாயகக் கட்சி, கொங்கு நாடு மக்கள் தேசிய கட்சி ஆகியவற்றுக்கு தலா ஒரு தொகுதிகள் ஒதுக்கப்பட்டுள்ளது. இக்கட்சிகள் போட்டியிடும் தொகுதிகள் விவரம் மார்ச் 15ஆம் தேதி அறிவிக்கப்பட்டன.

தொடர்ந்து, திமுக சார்பில் போட்டியிடும் 18 தொகுதி இடைத்தேர்தல் வேட்பாளர்கள், 20 தொகுதி மக்களவைத் தேர்தல் வேட்பாளர்களின் பட்டியல் மற்றும் புதுச்சேரியில் நடைபெற உள்ள தட்டாஞ்சாவடி இடைத்தேர்தல் திமுக வேட்பாளர் பெயர்கள் வெளியிடப்பட்டுள்ளது.வேட்பாளர்களை அறிவித்த திமுக தலைவர் ஸ்டாலின் தனது மக்களவைத் தேர்தல் பிரசாரத்தை வரும் 20ஆம் தேதி திருவாரூரிலிருந்து தொடங்க உள்ளதாகவும் கூறியுள்ளார்.

மக்களவைத் தேர்தல் - 20 தொகுதிகளுக்கான திமுக வேட்பாளர் பட்டியல்:

தென்சென்னை - தமிழச்சி தங்கபாண்டியன்

மத்திய சென்னை - தயாநிதி மாறன்

வடசென்னை - டாக்டர் கலாநிதி வீராசாமி

ஸ்ரீபெரும்புதூர் - டி.ஆர். பாலு

காஞ்சிபுரம் (தனி) - செல்வம்

அரக்கோணம் - டாக்டர் ஜெகத்ரட்சகன்

வேலூர் - கதிர் ஆனந்த்

திருவண்ணாமலை - சி.என் .அண்ணாதுரை

சேலம் - எஸ்.ஆர்.பார்த்திபன்

கடலூர் - பண்ருட்டி ரமேஷ்

தருமபுரி - டாக்டர் செந்தில்குமார்

திண்டுக்கல் - வேலுச்சாமி

கள்ளக்குறிச்சி - கவுதமசிகாமணி

மயிலாடுதுறை - செ.ராமலிங்கம்

நீலகிரி - ஆ.ராசா

பொள்ளாச்சி - சண்முகசுந்தரம்

தென்காசி - தனுஷ் எம்.குமார்

தஞ்சாவூர் - பழனிமாணிக்கம்

நெல்லை - ஞானதிரவியம்

தூத்துக்குடி - கனிமொழி

18 தொகுதிகளுக்கான தமிழக இடைத்தேர்தல் - திமுக வேட்பாளர் பட்டியல்:

பூந்தமல்லி: கிருஷ்ணசாமி

பெரம்பூர்: சேகர்

சோழிங்கர்: அசோகன்

குடியாத்தம்: காத்தவராயன்

ஆம்பூர்: விஸ்வநாதன்

ஓசூர்: சத்யா

பாப்பிரெட்டிபட்டி: மணி.

அரூர்: கிருஷ்ணகுமார்

நிலக்கோட்டை: சவுந்திரபாண்டியன்

திருவாரூர்: பூண்டி கலைவாணன்

தஞ்சாவூர்: நீலமேகம்

மானாமதுரை: கரூர் காசிலிங்கம் என்ற இலக்கியதாசன்

ஆண்டிபட்டி: மகாராஜன்

பெரியகுளம்: சரவணகுமார்

பரமக்குடி: சம்பத்குமார்

சாத்தூர் : சீனிவாசன்

விளாத்திகுளம்: ஜெயக்குமார்

திருப்போரூர்: செந்தில் என்ற இதயவர்மன்

புதுச்சேரி தட்டஞ்சாவடி தொகுதி இடைத்தேர்தல்

புதுச்சேரியில் தட்டஞ்சாவடி சட்டப்பேரவைத் தொகுதிக்கு நடைபெறும் இடைத்தேர்தலில் திமுக சார்பில் போட்டியிடும் வேட்பாளராக கே.வெங்கடேசன் அறிவிக்கப்பட்டுள்ளார்.