Cinema
“பிறப்பொக்கும் எல்லா உயிர்க்கும்..” - உழைப்பாளர் தினத்தில் வெளியானது உதயநிதியின் ‘மாமன்னன்’ First Look !
தமிழில் வளர்ந்து வரும் இயக்குநர்களில் ஒருவர்தான் மாரி செல்வராஜ். கடந்த 2018-ல் வெளியான 'பரியேறும் பெருமாள்' படம் மூலம் திரையுலகுக்கு அறிமுகமான இவர், தனது முதல் படத்தையே மிகப்பெரிய வெற்றிப்பாதைக்கு கொண்டு சென்றார்.
தொடர்ந்து தனுஷ் நடிப்பில் கடந்த 2021- ல் கர்ணன் படத்தை இயக்கினார். கண்டா வரச்சொல்லுங்க.. வுட்றாதீங்க எம்மோ.. ஆகிய பாடல்கள் பட்டி தொட்டி எங்கும் ஒலிக்க, இந்த படமும் மாபெரும் ஹிட் கொடுத்தது. இந்த இரண்டு படங்களும் வசூல் மற்றும் விமர்சன ரீதியாக பெரிய ஹிட் கொடுத்துள்ள நிலையில், 3-வதாக உதயநிதியை வைத்து 'மாமன்னன்' என்ற படத்தை இயக்கி வருகிறார்.
இந்த படத்தில் கீர்த்தி சுரேஷ், வடிவேலு, பகத் பாசில் உள்ளிட்ட பல திரை பிரபலங்கள் நடித்துள்ளனர். தற்போது போஸ்ட் ப்ரோடக்ஷனில் இருக்கும் இந்த படத்தின் அப்டேட் இன்று வெளியாகும் என கடந்த 2 நாட்களுக்கு முன்னர் படக்குழு அறிவித்திருந்தது. அந்த வகையில் இதன் முதல் பார்வை (First Look) உழைப்பாளர் தினமான மே 1-ம் தேதி வெளியாகும் என படக்குழு அறிவித்தது.
இந்த நிலையில் இன்று மே 1-ம் தேதியான இன்று இதன் முதல் பார்வை போஸ்ட்டர்களை படக்குழு வெளியிட்டுள்ளது. இதனை ட்விட்டர் பக்கத்தில் வெளியிட்ட உதயநிதி ஸ்டாலின், மாரி செல்வராஜ் "பிறப்பொக்கும் எல்லா உயிர்க்கும்" என்று குறிப்பிட்டுள்ளனர். இரண்டு போஸ்டர்களில் முதல் போஸ்டரில் கையில் துப்பாக்கியுடன் வடிவேலுவும், வாளுடன் உதயநிதி ஸ்டாலினும் ஒரு அரியணையில் அமர்ந்திருக்கும் வகையில் உள்ளது.
மற்றொரு போஸ்டரில் கேடயம், ஈட்டி, குதிரை என உருவங்களுடன் உதயநிதி நடுவிலும், மற்ற இரண்டு பக்கங்களில் ஒரு பக்கம் வடிவேலு, மறுபக்கம் பகத் பாசிலும் உள்ளனர். இந்த இரண்டு போஸ்டர்களும் தற்போது இணையத்தில் ட்ரெண்டாகி வருகிறது. இந்த படம் வரும் ஜூன் மாதம் திரையரங்கில் வெளியாகும் எனவும் அந்த போஸ்டரில் குறிப்பிடப்பட்டுள்ளது.
தற்போது அமைச்சராக இருக்கும் உதயநிதி ஸ்டாலின், தான் அமைச்சர் பதவியை ஏற்கும் முன்னரே நடிப்பதில் இருந்து விடுபடுவதாக அறிவித்தார். மேலும் இறுதியாக மாமன்னன் படத்தை மட்டும் நடித்து கொடுப்பதாக கூறி, மாமன்னன் படத்தில் மட்டும் நடித்துள்ளார். இதைத்தொடர்ந்து கமல்ஹாசன் தயாரிப்பில் இணையவிருந்த படத்தில் இருந்தும் உதயநிதி ஸ்டாலின் வெளியேறினார்.
அதன்படி உதயநிதி ஸ்டாலினின் இறுதி படம் 'மாமன்னன்' தான். இந்த படம் இந்த ஆண்டு வெளியாகும் என படக்குழு அறிவித்திருந்த நிலையில், விரைவில் வெளியிடப்படும் தேதியும் அறிவிக்கப்படும் என்று எதிர்பார்க்கப்டுகிறது.
அண்மையில் உதயநிதி ஸ்டாலின் அளித்த பேட்டி ஒன்றில், தனது திரையுலக பயணத்தில் மைல் கல்லாக 'மாமன்னன்' படம் அமையும் என்று எதிர்பார்ப்பதாக கூறியிருந்தார் என்பது குறிப்பிடத்தக்கது.
Also Read
-
உடல் உறுப்பு தானம் : “இந்தியாவிற்கே முன்னோடி தமிழ்நாடு” - அமைச்சர் மா.சுப்பிரமணியன் பெருமிதம்!
-
நடு ரோட்டில் இளம்பெண் வன்கொடுமை... தடுப்பதற்கு பதிலாக வீடியோ எடுத்த கொடூரர்கள்... பாஜக மாநிலத்தில் அவலம்!
-
போதிய சிகிச்சை அளிக்காததால் உயிரிழந்த சிறுவர்கள்... 15 கி.மீ தூக்கி சென்ற பெற்றோர்.. பாஜக ஆட்சியில் ஷாக்!
-
மாற்றுத்திறனாளிகளை அவமதிக்கும் வகையில் பேச்சு... மகாவிஷ்ணு மீது 5 பிரிவுகளில் வழக்கு !
-
#FactCheck : அரசு மருத்துவமனையில் செவிலியர்கள் உடை மாற்றும் அறை - அம்பலமான தினமலரின் அரைகுறை செய்தி!