Cinema
“ரத்தம், ரணம், ரெளத்திரம்” - ரிலீஸ் தேதியோடு வெளியானது ராஜமவுலியின் 'RRR' மோஷன் போஸ்டர்!
‘பாகுபலி’ வரிசை படங்களுக்கு பிறகு ராஜமவுலி இயக்கி வரும் படம் ‘ஆர்.ஆர்.ஆர்’. ராம்சரண், ஜூனியர் என்.டி.ஆர். நடிக்கும் இப்படத்தில், அஜய் தேவ்கன், ஆலியா பட், ரம்யா கிருஷ்ணன், சமுத்திரகனி, ப்ரியாமணி உள்ளிட்ட பலர் முக்கிய கதாபாத்திரங்களில் நடித்து வருகின்றனர்.
சுதந்திரப் போராட்ட வீரர்களான சீதராமராஜூ, கொமராம்பீம் ஆகியோரின் வாழ்க்கையை மையமாக வைத்து இந்தப் படம் உருவாகி வருகிறது. 300 கோடி செலவில் டி.வி.வி. நிறுவனம் இந்தப் படத்தை தயாரித்து வருகிறது.
படத்தின் பணிகள் எப்போதோ தொடங்கிவிட்ட நிலையில், அது தொடர்பான எவ்வித அப்டேட்டுகளும் இல்லாமல் ரசிகர்களுக்கு படக்குழு ஏமாற்றத்தையே தந்து வந்தது. இந்நிலையில், யுகாதி பண்டிகையை முன்னிட்டு இன்று படத்தின் மோஷன் போஸ்டரை வெளியிட்டுள்ளது படக்குழு.
ரத்தம், ரணம், ரெளத்திரம் என RRR படத்தின் டைட்டில் அறிவிக்கப்பட்டதோடு, 2021ம் ஆண்டு ஜனவரி 8ம் தேதி படம் ரிலீசாகவிருப்பதாகவும் அந்த மோஷன் போஸ்டரில் குறிப்பிடப்பட்டுள்ளது,
தமிழ், தெலுங்கு, இந்தி, மலையாளம் உள்ளிட்ட மொழிகளில் ‘ஆர்.ஆர்.ஆர்’ உருவாகி வருகிறது. மோஷன் போஸ்டர் வெளியானதை அடுத்து ட்விட்டரில் #RRRMotionPoster என்ற ஹேஷ்டேக் ட்ரெண்டாகி வருகிறது
Also Read
-
ஹிஜாப் கட்டுப்பாட்டுக்கு எதிர்ப்பு...உள்ளாடைகளுடன் போராட்டம் நடத்திய ஈரான் பல்கலைக்கழக மாணவி கைது !
-
இந்தியாவின் சக்தி வாய்ந்தவர்கள் பட்டியலில் முதலமைச்சர் மு.க.ஸ்டாலின்: எஃகு வீரர் என India Today புகழாரம்!
-
கூடலூர் & ஆனைமலை புலிகள் காப்பகம் : ஆர்கிடேரியங்களை மேம்படுத்த ரூ.3 கோடி ஒதுக்கி அரசாணை வெளியீடு!
-
பாலஸ்தீனத்தில் மனித உயிர்கள் கொல்லப்படுவது துயரமானது, இஸ்ரேல் நிறுத்திக் கொள்ள வேண்டும் - முரசொலி !
-
”தவறான நோக்கத்தில் தாக்கல் செய்யப்பட்ட மனு” : இந்தியில் நடத்த கோரிய மனுவை தள்ளுபடி செய்த உச்சநீதிமன்றம்!