Cinema
தீபாவளிக்கு முன்பே ’பிகில்’ ரிலீஸ் ? - அக்டோபரில் தொடங்குகிறது Vijay 64 - மகிழ்ச்சியில் விஜய் ரசிகர்கள் !
விஜய் - அட்லீ கூட்டணியில் மூன்றாவது முறையாக உருவாகியிருக்கும் படம் ’பிகில்’. இதில் நயன்தாரா, இந்துஜா, விவேக், கதிர் என பல நட்சத்திர பட்டாளமே நடித்துள்ளது. மெர்சல் படத்தை அடுத்து பிகில் படத்துக்கும் இசையமைத்துள்ளார் ஏ.ஆர்.ரஹ்மான்.
ஏ.ஜி.எஸ் நிறுவனம் தயாரித்திருக்கும் பிகில் படத்தின் படப்பிடிப்புகள் முடிவடைந்திருக்கும் நிலையில், பிகில் என்று ஆங்கிலத்தில் பெயர் பொறிக்கப்பட்ட தங்க மோதிரத்தை தன்னுடன் நடித்தவர்களுக்கு பரிசாக விஜய் அளித்து நெகிழச்செய்துள்ளார்.
இதற்கிடையில், ’சிங்கப்பெண்ணே...’ பாடல் வெளிவந்து கோடிக்கணக்கான பார்வையாளர்களை ஈர்த்துள்ளது. படத்தின் போஸ்டர்களும் விஜய் ரசிகர்கள் மத்தியில் வரவேற்பை பெற்றுள்ளதால், படம் வெளியாவதற்காக ஆவலுடன் எதிர்பார்த்து காத்திருக்கின்றனர்.
இந்நிலையில், பிகில் படம் இந்த ஆண்டு தீபாவளி பண்டிகையை முன்னிட்டு வெளியிடப்படும் என்று படக்குழு, ஷூட்டிங் தொடங்கும் போதே அறிவித்திருந்தது. தற்போது அக்டோபர் 24ம் தேதியே பிகில் படம் ரிலீசாக இருப்பதாக தகவல்கள் வெளிவந்துள்ளன.
ஏனெனில், அக்.,24ம் தேதி வியாழக்கிழமையாக இருப்பதால் அடுத்தடுத்து விடுமுறையை கருத்தில் கொண்டு இவ்வாறு முடிவெடுக்கப்பட்டுள்ளதாக தெரிவிக்கப்படுகிறது. இது விஜய் ரசிகர்களுக்கு கூடுதல் மகிழ்ச்சியை அளித்துள்ளது.
மேலும், ‘பிகில்’ திரைப்படத்திற்குப் பிறகு, மாநகரம் திரைப்படத்தை இயக்கிய லோகேஷ் கனகராஜ் இயக்கும் த்ரில்லர் படத்தில் நடக்க இருக்கிறார் விஜய். இதற்கான படப்பிடிப்பு அக்டோபர் மாதம் தொடங்கும் என்றும் தகவல் வெளியாகி உள்ளது.
Also Read
-
உடல் உறுப்பு தானம் : “இந்தியாவிற்கே முன்னோடி தமிழ்நாடு” - அமைச்சர் மா.சுப்பிரமணியன் பெருமிதம்!
-
நடு ரோட்டில் இளம்பெண் வன்கொடுமை... தடுப்பதற்கு பதிலாக வீடியோ எடுத்த கொடூரர்கள்... பாஜக மாநிலத்தில் அவலம்!
-
போதிய சிகிச்சை அளிக்காததால் உயிரிழந்த சிறுவர்கள்... 15 கி.மீ தூக்கி சென்ற பெற்றோர்.. பாஜக ஆட்சியில் ஷாக்!
-
மாற்றுத்திறனாளிகளை அவமதிக்கும் வகையில் பேச்சு... மகாவிஷ்ணு மீது 5 பிரிவுகளில் வழக்கு !
-
#FactCheck : அரசு மருத்துவமனையில் செவிலியர்கள் உடை மாற்றும் அறை - அம்பலமான தினமலரின் அரைகுறை செய்தி!